Episodes
Cha nel agh daa chlaare er-nyn-son y cheayrt shoh, agh ayns 'Goll as Gaccan' ta shin clashtyn Phil Gawne goaill daa ghrane va scruit son Mooinjer Veggey dy ynsaghey sheeanyn ny Gaelgey, as she Annie Kissack ta cloie yn accordion.
Ayns 'Claare ny Gael', va meer elley ass Dracula liorish Bram Stoker, as tooilley jeh art scruit ec naighteyr ayns Whitby mychione ny haghyr lurg da schooner cosney stiagh 'sy phurt, hug yindys eer ny smoo er sleih.
There are only two programmes for us this time, but in 'Goll as Gaccan' we hear Phil Gawne singing two rhymes which were written for Mooinjer Veggey ...
Ta Daniel Quayle chebbal 'Jamys Jeheiney' as ta goaldagh echey, Owen Williams, dy loayrt mychione ny recortyssyn echey, agh ta Kianglaghyn Kiaullee as Cre'n Cheer? ayn neesht. Ayns Dracula liorish Bram Stoker, ta shin clashtyn mychione schooner joarree cheet stiagh ayns Whitby ayns sterrym - as skeeal whaagh ee neesht. Shoh meer elley ass chyndaays 'sy Ghaelg jeh'n skeeal ard-ghooagh shoh.
Daniel Quayle presents 'Jamys Jeheiney' and he has a guest, Owen Williams, to talk about his recordings, but there are Kianglaghyn Kiaullee (Musical Connections) and Cre'n Cheer? (What's the Country?) as...
Ta Daniel Quayle cur dooin leeidyn son daa ghamman - Kianglaghyn Kiaullee as Cre'n Cheer? - ayns 'Jamys Jeheiney', as ta caa diu foast cur stiagh ansooryn roish y nah chlaare. Mastey cooishyn elley ayns 'Goll as Gaccan', ta shin clashtyn Phil Gawne aa-loayrt meeryn as skeeal liorish John Tom Kaighen; ta coloayrtys giare echey 'sy Ghaelg rish Dot Saunders; as t'eh goaill daa ronney jeh drane tradishoonagh. 'Sy chyndaays ain 'sy Ghaelg jeh Dracula ayns 'Claare ny Gael', ta shin clashtyn art ass pabyr naight mychione sterrym haink er Whitby, boayl ta Mina Murray tannaghtyn marish e carrey, Luc...
Atreih, va Daniel Quayle goit voin rish tammylt tra chaill eh y moggyl AM, agh ta caa dooin goaill soylley jeh paart jeh'n chlaare, 'Jamys Jeheiney', ec y chooid sloo. Cha row skeeal ny meer er-lheh 'sy Ghaelg ayns 'Goll as Gaccan' y cheayrt shoh, myr shoh ta shin goll er oaie gys meer ass yn chyndaays 'sy Ghaelg jeh Dracula vees ry chlashtyn ayns 'Claare ny Gael'. Ta shin feddyn magh ny vees scruit ayns Lioar Laa Mina Murray, as ta giarrag ass pabyr naight festit aynjee neesht.
Unfortunately, Daniel Quayle was taken from us for a while when he lost the AM network, but we have an opportuni...
Ga dy row coloayrtyssyn as meeryn feer anaasagh ayns 'Goll as Gaccan', myr ta shin oayllagh rish, as Phil Gawne as Simon Clarke chebbal yn chlaare shen, cha row meer er-lheh 'sy Ghaelg, myr shoh ta shin clashtyn meeryn ass daa chlaare elley y cheayrt shoh. Hoshiaght, ta daa ghamman er nyn son ayns 'Jamys Jeheiney', agh shegin diu fuirraghtyn derrey y nah cheayrt roish my vees ny ansooryn ry gheddyn veih Daniel Quayle. Ayns 'Claare ny Gael', ass Dracula, ta shin clashtyn meeryn ass jeelane yn Fer Lhee John Seward as Lioar-Laa Mina Murray: yn chied er jeeaghyn er surransagh, R M Renfield; as ...
Foddee dy bare dooin gra 'Jeheiney' rish y chlaare er Radio Vannin AM 1368 fastyr Jeheiney, shaghey 'Jamys Jeheiney' myr v'ee. She Daniel Quayle vees chebbal yn chlaare, as y cheayrt shoh ta shin clashtyn ny gammanyn va jeant echey. Ayns 'Goll as Gaccan' ta coloayrtys dooghyssagh 'sy Ghaelg eddyr Phil Gawne as Isla Callister, lurg daue jannoo coloayrtys anaasagh 'sy Vaarle son yn chlaare. Ayns Dracula 'sy chyndaays ain 'sy Ghaelg, ta'n Fer Lhee John Seward cur eab er feddyn magh tooilley mychione surransagh, R M Renfield.
Perhaps it would be better for us to call the programme on Manx Ra...
Cha nel agh yn daa chlaare ain y cheayrt shoh. Ayns 'Jamys Jeheiney' ta daa ghamman er-nyn-son choud's ta Daniel Quayle chebbal yn chlaare. Ayns chyndaays 'sy Ghaelg jeh Dracula liorish Bram Stoker ayns 'Claare ny Gael', ta'n shenn eeasteyr, Mnr Swales, foast ginsh da Mina Murray as Lucy Westenra mychione ny breagyn vees grainnit er ny claghyn oaie 'sy rullick ayns Whitby.
We only have two programmes this time. In 'Jamys Jeheiney' there are two games for us as Daniel Quayle presents the programme. In a translation in the Manx Gaelic of Dracula by Bram Stoker in 'Claare ny Gael', the old f...
Ta Fiona McArdle chebbal 'Shiaght Laa' son yn chlaare s'jerree 'sy straih shoh. Ta gamman noa er-nyn-son ayns 'Jamys Jeheiney', as ta Daniel Quayle jannoo ymmyd jeh gamman elley ta shin oayllagh rish hannah. Ayns 'Goll as Gaccan' ta shin clashtyn sampleyr jeh slattys 'sy Ghaelg, choud's ta Phil Gawne loayrt mychione shen er yn oyr dy nee red ennagh eh vees goll er jannoo Laa Tinvaal. Ta shin jeeaghyn er Dracula ayns 'Claare ny Gael', as ta shin clashtyn mychione three shenn chaarjyn ren ooilley cur yeearree ry phoosey da Lucy Westenra yn un laa. As ta Mina Murray er n'gholl gys Whitby dy c...
She Maralyn Crellin vees chebbal 'Shiaght Laa' y cheayrt shoh. Cha row caa da Daniel Quayle chebbal 'Jamys Jeheiney' y cheayrt shoh, agh va'n chlaare goll er scaalheaney, kiart dy liooar, gyn Daniel as gyn Jamys erbee aynjee, myr ta shin clashtyn. Va kiare fir aegey jannoo recortys ayns Radio Vannin son claare elley, as ta Phil Gawne cur caa dooin ad y chlashtyn ayns 'Goll as Gaccan'. As ayns 'Claare ny Gael', ta shin clashtyn screeuyn liorish Lucy Westenra gys e carrey, Mina Murray.
It's Maralyn Crellin who presents 'Shiaght Laa' this time. Daniel Quayle didn't have the opportunity to pre...
Lurg meer ny ghaa ass 'Shiaght Laa', ta shin clashtyn Daniel Quayle as eh chebbal 'Jamys Jeheiney' reesht lurg barney ayns imbagh ny Ratchyn TT. Ta'n meer 'sy Ghaelg ass 'Goll as Gaccan' giare dy liooar, myr shoh ta shin clashtyn Phil Gawne lhaih magh shen daa cheayrt. Ayns 'Claare ny Gael' ta shin clashtyn ny vees goll er screeu eddyr Mina Murray as e carrey, Lucy Westenra, lesh palchey naight ec Lucy. Shoh chyndaays 'sy Ghaelg ass yn lioar Dracula liorish Bram Stoker.
After an extract or two from 'Shiaght Laa', we hear Daniel Quayle as he presents 'Jamys Jeheiney' again after a gap durin...
There are pieces for us out of 'Traa dy Liooar' this time after a small gap of a week. We have a very short extract by Phil Gawne out of 'Goll as Gaccan', with the chorus of the song, Yn Aavioghey (The Revival), with words by Freddy Cowle. And out of 'Claare ny Gael', we hear a translation into Manx Gaelic of another extract from Dracula by Bram Stoker - dedicated to his dear friend, Hommy-Beg, Thomas Hall Caine.
Shiaghtin ghiare 'sy Ghaelg ta'n ee shoh, lesh meer ass 'Claare ny Gael' ynrican, choud's ta shin clashtyn mychione ny vees jannoo er Jonathan Harker ayns Cashtal Dracula. Agh er yn oyr nagh vel agh yn un veer ain, ta bonus ain lesh shenn recortys jeh Ned Maddrell neesht.
It's a short week in Manx is this one, with only a piece out of 'Claare ny Gael', as we hear about what's happening with Jonathan Harker in Castle Dracula. But because we only have the single piece, we have a bonus with an old recording of Ned Maddrell as well.
Fer elley vees anmagh - gow-jee my leshtal, my sailliu, reesht. She Fiona McArdle vees chebbal 'Shiaght Laa' y cheayrt shoh. Ta Daniel Quayle ayn reesht dy chur feyshtyn orrin ayns 'Jamys Jeheiney'. Cha row meer er-lheh 'sy Ghaelg ayns 'Goll as Gaccan' jeh'n sorch ta shin goaill stiagh ayns Abbyr Shen Reesht, agh ayns 'Claare ny Gael' va meer elley ass yn lioar Dracula ayns chyndaays 'sy Ghaelg.
Another one that's late - please accept my apologies again. It's Fiona McArdle who presents 'Shiaght Laa' this time. Daniel Quayle is on hand again to pose us questions in 'Jamys Jeheiney'. There w...
Gow-jee my leshtal, my sailliu, son yn varney roish my row yn earroo shoh er ny phostal. Aynsyn ta shin clashtyn Maralyn Crellin cheet er cooish ny ghaa ayns 'Shiaght Laa'; ta feyshtyn er-nyn-son ayns 'Jamys Jeheiney'; as ta meer elley ass Dracula liorish Bram Stoker ayns chyndaays 'sy Ghaelg jeant son 'Claare ny Gael'.
Please accept my apologies for the gap before this episode was posted. In it we hear Maralyn Crellin talking about a few subjects in 'Shiaght Laa'; there are questions for us in 'Jamys Jeheiney'; and there's another extract from Dracula by Bram Stoker in the translation int...
Ny jarrood-jee dy vel 'Traa dy Liooar' goll er scaalheaney lesh ny naightyn 'sy Ghaelg fastyr Jelune eddyr 5pm as 6pm er Radio Vannin AM1368, ny yeih nagh vel veg jeh'n chlaare shen ry chlashtyn ayns Abbyr Shen Reesht. Ta'n chlaare shen goll er jannoo eddyr yn BBC as Radio Vannin, as shen yn aght neesht lesh 'Jamys Jeheiney', vees ry chlashtyn er AM eddyr 5pm as 6pm fastyr Jeheiney. Ta nuy feyshtyn currit 'sy chlaare y cheayrt shoh mychione Jough, Politickeyryn as Cre'n Chlaare? Cha row meer er-lheh 'sy Ghaelg ayns 'Goll as Gaccan' vees goll er chebbal ec Phil Gawne as Simon Clarke fastyr J...
Agh shiaghtin ghiare ee! Y cheayrt shoh cha nel veg ry chlashtyn er-lhimmey jeh'n episode jeh Dracula, yn lioar ard-ghooagh liorish Bram Stoker, va ry chlashtyn ayns chyndaays 'sy Ghaelg jeant son 'Claare ny Gael'. Agh yinnin shiu y ghreinnaghey dy gholl gys y chramman ER AGGYRT ayns ynnyd eggey Radio Vannin, as ayns shen bee caa diu clashtyn ny naightyn 'sy Ghaelg ayns 'Traa dy Liooar' as ny coloayrtyssyn as meeryn elley feer anaasagh jeant ec Phil Gawne ayns 'Goll as Gaccan'. Dy jarroo, foddee shiu eaishtagh rish 'Claare ny Gael', goaill stiagh ny meeryn 'sy Vaarle as y kiaull neesht ayns...
Ta shin goltaghey 'Jamys Jeheiney' reesht y cheayrt shoh, as ta keayrtagh marish Daniel Quayle 'sy teyrlann son paart dy choloayrtys, choud's ta shin cloie cubbyl dy ghammanyn. Ta straih dy arraneyn beggey er ve jeant son Mooinjer Veggey dy ynsaghey sheeanyn ny Gaelgey da ny paitchyn. Ayns 'Goll as Gaccan' ta Phil Gawne ginsh dooin fockleyn jeh arrane beg, as eisht t'eh dy ghoaill. Skeeal ard-ghooagh ee, Dracula, urree ta shin jeeraghey ayns chyndaays 'sy Ghaelg ayns 'Claare ny Gael'. Cha nel Jonathan Harker shickyr vel eh dreamal ny dyn, agh ta sayntoilid echey dy leah caghlaa dy ve skaugh...
Ta shin clashtyn arrane beg va scruit son Mooinjer Veggey as t'er jeet dy ve feer ennoil rish ny paitchyn. Ta Phil Gawne cur dooin ny focklyn roish my vees shin clashtyn recortys jeh ayns 'Goll as Gaccan'. Ayns 'Claare ny Gael' ta shin clashtyn meer elley ass yn lioar ard-ghooagh, Dracula, liorish Bram Stoker, agh ayns chyndaays sy Ghaelg. Ta Jonathan Harker cheet dy ve saveenagh. Vel cooinaghtyn echey er yn raaue currit da liorish yn Chount?
We hear a little song that was written for Mooinjer Veggey as which has become very popular with the children. Phil Gawne gives us the words before w...
Agh son shen as ooilley, shiaghtin ghiare 'sy Ghaelg y cheayrt shoh. Hoshiaght, ta Phil Gawne ginsh dooin daa raa creeney ayns 'Goll as Gaccan', as ta shin clashtyn cagh daa cheayrt. Lurg shen, ayns 'Claare ny Gael', ta shin clashtyn coontey liorish Jonathan Harker jeh'n aght ta'n Count Dracula faagail e chashtal, as eisht ta shin clashtyn ny ta Jonathan jannoo cho leah's ta'n Count ersooyl.
For all that, it's a short week in Manx this time. First, Phil Gawne tells us two proverbs in 'Goll as Gaccan', and we hear each two times. After that, in 'Claare ny Gael', we hear an account by Jonath...
She Daniel Quayle t'ayn lesh 'Jamys Jeheiney' reesht, lesh ny gammanyn echey dy ghoaill ayrn ayn. Ayns 'Goll as Gaccan' ta Phil Gawne lhaih magh meer elley ass yn lioar scruit ec Brian Mac Stoyll, Gaelg as Fishig : Skeeal my Vea. Ta shin jeeaghyn er yn lioar liorish Bram Stoker, Dracula, ayns 'Claare ny Gael'.
It's Daniel Quayle who presents 'Jamys Jeheiney' again, with his games to take part in. In 'Goll as Gaccan' Phil Gawne reads out another extract from the book written by Brian Stowell, Gaelg as Fishig : Skeeal my Vea (Manx Gaelic and Physics : the Story of my Life). We're looking at ...
Ta Danninagh, Daniel Quayle, ayn dy stiurey shin trooid ny leeidyn son Feer ny Foalsey? as Quoi Mish? ayns 'Jamys Jeheiney'. Ayns 'Goll as Gaccan', ta Phil Gawne goaill arrane as jeeaghyn er ny fockleyn jeh arrane beg scruit son Mooinjer Veggey dy hoilshaghey magh y phoneme /m/ 'sy Ghaelg, as t'eh cur dooin neesht meer elley ass lioar Brian Mac Stowell, Gaelg as Fishig : Skeeal my Vea. Yn lioar ta shin jeeaghyn er ayns 'Claare ny Gael', she Dracula liorish Bram Stoker ee, as ta shin clashtyn tooilley j'ee ayns chyndaays 'sy Ghaelg.
Danninagh, Daniel Quayle, is on hand to conduct us through...
Ta Danninagh, Daniel Quayle, leeideil shin trooid daa vout dy whestionyn ayns 'Jamys Jeheiney' - Feer ny Foalsey? as Quoi Mish? Ayns 'Goll as Gaccan' ta recortyssyn jeant jeh paitchyn goaill ayrn ayns Aundyryn Kiaull Theay Vannin, myr shoh ta caa dooin clashtyn daa pheesh 'sy Ghaelg. As ayns 'Claare ny Gael' ta Jonathan Harker sur-smooinaghtyn er ny dy yannoo, nish ta fys echey nagh vel bollagh magh ass Cashtal Dracula. T'eh shirrey eieyn hoshiaght liorish greinnaghey yn Count Dracula dy loayrt mychione shennaghys ny cheerey as yn lught-thie echey.
Danninagh, Daniel Quayle, leads us throug...
Ta Daniel Quayle leeideil shin trooid daa vout dy feyshtyn ayns 'Jamys Jeheiney': hoshiaght, ayns Feer ny Foalsey t'eh orrin feddyn magh yn un chooish vees foalsey ass ny three jeu t'eh cheet er; as eisht t'eh cur dooin leeidyn as cur cuirrey orrin dy gheddyn magh Quoi Mish? Ta shin feddyn magh (foddee ny smoo na va shin geearree feddyn magh!) mychione naimyn Brian Mac Stoyll ayns yn aegid ocsyn, choud's ta Phil Gawne lhaih magh dooin meer elley ass lioar Vrian ayns 'Goll as Gaccan'. Ayns 'Claare ny Gael' ta Jonathan Harker feddyn magh tooilley mychione yn Chount Dracula 'sy chyndaays ain '...
She Daniel Quayle ta cur feyshtyn orrin reesht ayns 'Jamys Jeheiney' choud's ta shin cloie Feer ny Foalsey as Quoi Mish? Ta shin clashtyn Phil Gawne lhaih magh rolley dy nuy biljyn ayns 'Goll as Gaccan', roish my vees mayd geaishtagh rish meer ass lioar. Ayns 'Claare ny Gael' ta shin marish Jonathan Harker, as eshyn tannaghtyn ec y traa t'ayn ayns Cashtal Dracula. Shoh meer elley ass chyndaays 'sy Ghaelg jeh'n lioar Dracula liorish Bram Stoker.
It's Daniel Quayle who poses us questions again in 'Jamys Jeheiney' as we play Feer ny Foalsey (True or False) and Quoi Mish? (Who am I?). We hear...
Cha nel wheesh er-nyn-son y cheayrt shoh. Ta shin goaill toshiaght lesh 'Jamys Jeheiney', as cha nee joarree t'ayn, agh nee Jamys eh noadyr. Quoi vees cur ny feyshtyn orrin y cheayrt shoh? Ta shin clashtyn meer elley ass yn lioar, Dracula, liorish Bram Stoker, agh ayns chyndaays 'sy Ghaelg, ayns 'Claare ny Gael'.
There's not so much for us this time. We start with 'Jamys Jeheiney', and it's not a stranger there, but it's not James either. Who's posing us the questions this time? We hear another extract from the book, Dracula, by Bram Stoker, but in a translation into Manx in 'Claare ny Gael'.
Va kuse dy veeryn 'sy Ghaelg recortit ec Fiona McArdle son 'Shiaght Laa', agh fy yerrey hoal cha row reamys dy liooar agh son peesh giare. Ta feyshtyn currit orrin liorish Jamys Kinry ayns 'Jamys Jeheiney', as ta Daniel Quayle ayns shen dy loayrt rish Jamys mychione ny cooishyn t'ayn. Va keayrtagh ec Simon Clarke as Phil Gawne ayns 'Goll as Gaccan', as cha row traa son Phil dy aa-loayrt agh raa giare 'sy Ghaelg. 'Sy skeeal liorish Bram Stoker, Dracula, as shinyn geaishtagh ree ayns 'Claare ny Gael', ta Jonathan Harker goaill lhongey as loayrt rish yn Chount, as t'eh goaill baght as cur coon...
In 'Shiaght Laa' Maralyn Crellin refers to animals - particularly pigs (and starved pigs at that!) as well as birds in Manx song and tune titles. She also looks at St Bride/Bridget. James Harrison is worried that his questions may be too complicated for his guests, Daniel Quayle and Cesar Joughin in 'Jamys Jeheiney'. Simon Clarke and Phil Gawne enjoy something to eat in 'Goll as Gaccan'. Jonathan Harker is standing in front of Castle Dracula in our translation of Bram Stoker's story. What now? We find out in 'Claare ny Gael'.
Ayns 'Shiaght Laa' ta Maralyn Crellin cheet er beiyn - as er lhe...
Ayns 'Shiaght Laa' ta shin clashtyn mychione padjeryn ayns aght ny ayns aght elley, as paart jeu ayns arrane. Ta nuy questionyn reesht ayns 'Jamys Jeheiney', agh chammah's Jamys Kinry ve ayn dy chur ad shen, ta Daniel Quayle ayn dy hebbal ansooryn da ny feyshtyn neesht. Ta Phil Gawne ginsh dooin goo va goll er ghra dy chur cooidjagh ben aeg as dooinney aeg, ny yei nagh vel shen son Laa'l Valentine; ta shin clashtyn drane ny arrane beg cheet er y phoneme / q / 'sy Ghaelg; as ta shin clashtyn beggan mychione Snouter Mac Stoyll 'sy lioar liorish yn aa-oe echey, Brian Mac Stoyll. Ta shin foast ...
Ayns 'Shiaght Laa' ta shin jeeaghyn er jee smoo yn Ellan - agh cre'n aght lhisagh yn ennym echey ve ayns nyn meeal? Ta shin clashtyn Caarjyn Cooidjagh goaill arrane neesht. Ta nuy feyshtyn er-nyn-son reesht choud's ta shin goltaghey Jamys Kinry as 'Jamys Jeheiney' lurg barney mysh y Nollick as y Vlein Noa. Ta Phil Gawne lhaih magh er-nyn-son ayns 'Goll as Gaccan' ass lioar scruit ec Brian Mac Stoyll, as ta drane ny arrane beg elley neesht liorish Aalin Clague as Rob Cain. Ta shin goll marish Jonathan Harker ayns 'Claare ny Gael' choud's t'eh fo raad gys Cashtal Dracula.
In 'Shiaght Laa' we...
Ta meer giare ass 'Shiaght Laa' mychione yn skeeal cochianglt rish dooinney ass yn churragh ayns Jurby, Mylecharaine, as yn arrane jeant ersyn, as ta shoh geiyrt er cooish v'ain 'sy chlaare roish shoh. Ayns 'Claare ny Gael' ta shin jeeaghyn er chied chabdil yn lioar, Dracula, liorish Bram Stoker, as ta Jonathan Harker ayns couch goll y raad choud's ta'n dorraghys cheet stiagh ayn.
There's a short piece from 'Shiaght Laa' about the story associated with a man from the curragh in Jurby, Mylecharaine, and the song made about him, and this follows on from a subject we had in the programme befo...