Episodes
Ayns 'Shiaght Laa' ta shin clashtyn carr cochianglt rish tradishoon yn 17 Jerrey Geuree, rere yn eaillere noa-emshiragh. Vershoon jeh arrane er Mylecharane eh. Ren W H Gill ymmyd jeh vershoon yn charr shen son arrane ashoonagh Vannin, as fockleyn 'sy Ghaelg jeant ec J J Kneen. Va enn oikoil currit er obbyr Gill myr Arrane Ashoonagh 22 Jerrey Geuree 2003. As ayns 'Claare ny Gael' ta shin clashtyn meer elley y skeeal, Dracula, liorish Bram Stoker.
In 'Shiaght Laa' we hear a tune associated with a tradition of 17 January, by the modern-day calendar. It's a version of Mylecharane. W H Gill use...
Ayns 'Shiaght Laa' ta shin jeeaghyn er ny skibbyltee boghtey: er dean Reiltys Vannin dy chleayney tooilley 'sy traa ry heet, as er arraneyn va ry chlashtyn myr eunysseyrys er-nyn-son ayns ny shenn laghyn. Ta Phil Gawne cheet er fockleyn jeh arrane as er daa vee hoshee ny bleeaney, chammah's er shenn raa creeney cochianglt rish Shenn Laa'l Chibbyrt yn Ushtey, as shen ooilley ayns 'Goll as Gaccan'. Ta shin feddyn magh mychione yn aght ta Jonathan Harker jannoo aarloo dy gholl gys Cashtal Dracula ayns 'Claare ny Gael'.
In 'Shiaght Laa' we're looking at the tourists en masse: at the target of ...
Ec toshiaght ny bleeaney ta shin smooinaghtyn er baase Illiam Dhone, as shen cooish y chlaare, 'Shiaght Laa', y cheayrt shoh. Ta Phil Gawne jeeaghyn er shenn chliaghtyn as raaghyn creeney yn imbagh eddyr y Nollick as y Vlein Noa ayns 'Goll as Gaccan'. Ta shin goaill toshiaght er chyndaays jeh lioar ard-ghooagh ayns 'Claare ny Gael', agh foddee dy vel y skeeal er jeet dy ve ny share er enn da ymmodee sleih ayns filmyn.
At the start of the year we think of the death of Illiam Dhone, and that's the subject of the programme, 'Shiaght Laa', this time. Phil Gawne looks at old customs and saying...
Shiaghtin ghiare 'sy Ghaelg reesht, agh ta reayn dy skeealyn giarey ain ayns 'Claare ny Gael'. Hoshiaght, chyndaays 'sy Ghaelg lesh yn ennym Yn Faaishnys er y Gheay jeh skeeal ghiare liorish Anthony Dezenzio. Eisht ta three meeryn dy oor-skeealyn falleayssagh - daa skeeal feer ghiare as fer eer ny s'girrey. Ta shin clashtyn neesht John Tom Kaighin ass Ballagarrett ayns Skylley Vreeshey as yn aght yindyssagh t'eh ginsh yn skeeal mychione yn saggyrt as y vuc.
A short week in Manx again, but we have a range of short stories in 'Claare ny Gael'. First, a translation into Manx with the title Yn...
Shiaghtin ghiare myr v'ee 'sy Ghaelg, ayns firrinys, agh ta caa dooin clashtyn skeeal scaanjoon va ry chlashtyn ayns 'Claare ny Gael', as ta shin clashtyn neesht Bannag ny Nollick, as Juan y Geill aa-loayrt shen er-nyn-son.
It was a short week in Manx, in truth, but we have the opportunity to hear a ghost story that was heard in 'Claare ny Gael', and we hear the Christmas Rhyme, as Jack Gell recites that for us.
Ayns 'Jamys Jeheiney' ta Jamys Kinry cur three questionyn orrin mychione cooishyn quaagh t'ayns ny naightyn, eisht three mychione enmyn buill - feer ny foalsey - as fy yerrey ta three coraaghyn ry chlashtyn, orroo dy chur enn. Ta shin clashtyn carval ayns 'Goll as Gaccan', chammah's shenn raaghyn creeney as eisht bannaghtyn cochianglt rish yn imbagh shoh, as ta shin clashtyn Phil Gawne, Christy DeHaven, Howard Caine as Simon Clarke 'sy chlaare. Ayns 'Claare ny Gael' ta shin cur kione er skeeal ghiare mychione Toyrtys Nollick ayns chyndaays 'sy Ghaelg jeh'n skeeal scruit hoshiaght 'sy Ghaelg...
Ayns 'Jamys Jeheiney', ta Jamys Kinry cur feyshtyn mychione baagh, mychione film, as eisht ta'n doolane foin dy chur enn er three coraaghyn. Ta Phil Gawne smooinaghtyn mychione y Nollick, lesh three arraneyn cochianglt ree, as va ny fockleyn (paart jeu, ec y chooid sloo) ry chlashtyn ayns 'Goll as Gaccan'. Ta Richmal Crompton mie er enn son ny skeealyn scruit eck mychione Jus Illiam, agh ayns 'Claare ny Gael' ta shin clashtyn yn chied ayrn jeh chyndaays 'sy Ghaelg jeh skeeal scruit eck mychione Toyrtys Nollick.
In 'Jamys Jeheiney', James Harrison poses questions about an animal, about a fi...
Ta Jamys Kinry cur nuy questionyn orrin ayns 'Jamys Jeheiney', 'sy chlaare shen vees goll er jannoo eddyr yn BBC as Radio Vannin. Ayns 'Goll as Gaccan', ta Phil Gawne ginsh dooin ny fockleyn jeh drane cochianglt rish shenn chliaghtey faggys da toshiaght y vee shoh, as jeh drane elley cochianglt rish y Nollick as rish y Vlein Noa - foddee dy bee paart jeh ny fockleyn shen ymmydoil eh son screeu chaghteraght ayns kaartyn ny Nollick. Ta caa dooin clashtyn skeeal ghiare va scruit hoshiaght liorish Matsuo Basho, agh enmyssit Yn Chenn Voir ayns chyndaays 'sy Ghaelg ayns 'Claare ny Gael'.
James H...
Ayns firrinys, cha nel veg ain y cheayrt shoh, agh shoh ny oyryn nagh row!
In truth, we don't have anything this time, but these are the reasons why not!
Ta three feyshtyn er Arran, three er Cosoylaghyn ny Co-chianglyssyn, as three Coraaghyn orroo dy chur enn ayns 'Jamys Jeheiney' marish Jamys Kinry. Ayns 'Goll as Gaccan' ta shin clashtyn coraa Juan y Christeen Mac y Nellan, hooar baase er y gherrid, ayns recortys jeant liorish Phil Gawne ec yn Chooish blein ny ghaa er dy henney. Foddee nagh nee skeeal ghiare ee t'ain ayns 'Claare ny Gael' y cheayrt shoh, agh studeyrys ny sketch scruit ec yn ughtar ass Bodmin, 'sy Chorn, 'Q', ny Arthur Quiller-Couch. She Scaan Dorraghey ta'n peesh shoh.
There are three questions about Bread, three about S...
Cha nel agh daa chlaare er-nyn-son y cheayrt shoh. Hoshiaght ta caa dooin smooinaghtyn er ny ansooryn da nuy questionyn currit orrin liorish Jamys Kinry ayns 'Jamys Jeheiney'. Lurg shen, ta skeeal ghiare ain va ry chlashtyn ayns 'Claare ny Gael', chyndaays 'sy Ghaelg jeh fer va scruit ec Neel Rana 'sy Vaarle, ny yei nagh nee'n Vaarle ta chengey ny mayrey echey.
There are only two programmes for us this time. First we have an opportunity to ponder on the answers to nine questions posed for us by James Harrison in 'Jamys Jeheiney'. After that, we have a short story that could be heard in 'Cl...
Ta nuy questionyn er-nyn-son ayns 'Jamys Jeheiney' reesht, as ta Jamys Kinry prowal y stoyr fys as y cooinaght ain reesht. Ta shin clashtyn drane ny arrane beg ayns 'Goll as Gaccan', as ta Aalin Clague goaill arrane as ta Phil Gawne ginsh dooin ny fockleyn jeh. As ayns 'Claare ny Gael' ta skeeal ain ayns cummey far-skeeal, agh scruit er y gherrid 'sy Vaarle liorish Neel Rana mychione Shorys, y Ree Neu-Vainshtyragh, as chyndaait 'sy Ghaelg son y chlaare.
There are nine questions for us in 'Jamys Jeheiney' again, and James Harrison tests our store of knowledge and our memory again. We hear a...
Son y cheayrt s'jerree ta shin clashtyn meer liorish Juan y Geill ass Pargys Caillit ayns 'Traa dy Liooar'. She Fiona McArdle vees chebbal 'Shiaght Laa', as she'n chlaare s'jerree ee 'sy straih shoh. Ta nuy feyshtyn orrin reesht ayns 'Jamys Jeheiney' marish Jamys Kinry. Ayns meer ass 'Goll as Gaccan' ta shin clashtyn Sarah Hendy goaill yn chied ronney jeh arrane mychione Hop tu Naa. Ta skeeal ghiare ain ayns 'Claare ny Gael' ta mychione troailt ayns traa dy chur aash da cooinsheanse arryssagh.
For the final time we hear an extract by Jack Gell from the Manx paraphrase of Paradise Lost in '...
Ta shin er jeet bunnys gys jerrey yn recortys jeant ec Juan y Geill jeh Pargys Caillit - cha nel agh un veer er mayrn lurg y pheesh shoh va ry chlashtyn ayns 'Traa dy Liooar'. Lurg meer ny ghaa ass 'Shiaght Laa', ta nuy questionyn orrin reesht choud's ta Jamys Kinry Mainshtyr y Whuiz ayns 'Jamys Jeheiney'. Ta shin clashtyn arrane beg jeant dy hoilshaghey magh y phoneme / l / ayns 'Goll as Gaccan', as ta Phil Gawne ginsh dooin ny fockleyn, chammah's cur dooin lessoon elley. Ta'n skeeal ghiare ain ayns 'Claare ny Gael' mychione dooinney ren cosney y Cronchor - agh cre'n aght hooar eh ny earro...
Ta shin goll bun-ry-skyn trooid yn chiaghtin y cheayrt shoh, myr shoh ta shin goaill toshiaght lesh nah ayrn y skeeal ghiare scruit hoshiaght 'sy Vaarle ec Americanagh, Joe Giordano, v'ayns 'Claare ny Gael'. Ta shin clashtyn coontey giare, roish my vees kione currit er y skeeal. Ayns 'Goll as Gaccan', ta shin clashtyn arrane beg son Mooinjer Veggey as ta Phil Gawne ginsh dooin ny fockleyn, chammah's cur lessoon ny Gaelgey neesht. Ta nuy questionyn er nyn son reesht ayns 'Jamys Jeheiney', as Jamys Kinry briaght jin mychione Jeshaghteyrys Cruinlagh (!), Aanrityn as Coraaghyn. She Maralyn Crel...
Ta 'Traa dy Liooar' cur-lesh dooin meer elley ass Pargys Caillit, 'sy recortys liorish Juan y Geill. She Fiona McArdle ta chebbal 'Shiaght Laa' y cheayrt shoh. Ta questionyn mychione Hybridyn, Thieyn Aaght as Coraaghyn goll er cur liorish Jamys Kinry ayns 'Jamys Jeheiney' , as eisht ta shin clashtyn arrane giare 'sy Ghaelg, jeh ta Phil Gawne cur dooin ny fockleyn, roish my vees eh dyn leeideil trooid lessoon elley. Ta'n chied ayrn jeh skeeal scruit hoshiaght 'sy Vaarle ec Americanagh, Joe Giordano, ry chlashtyn ayns 'Claare ny Gael'.
'Traa dy Liooar' brings us another extract from the Ma...
Lurg meer elley jeh Pargys Caillit liorish Juan y Geill ass 'Traa dy Liooar' ta shin clashtyn peesh giare ass 'Shiaght Laa'. Ayns 'Jamys Jeheiney', ta nuy questionyn er-nyn-son reesht, as ayns 'Goll as Gaccan' ta shin gynsaghey arrane beg dy ynsaghey y phoneme / p / roish my vees shin goll magh 'sy gharey marish Phil Gawne son lessoon ny Gaelgey. Fy yerrey, ayns 'Claare ny Gael', ta shin feddyn magh dy vel eer jeeanid noa elley ec Toad, cre erbee ta ny cumraagyn echey smooinaghtyn.
After another extract from Pargys Caillit by Jack Gell from 'Traa dy Liooar', we hear a short piece from 'Shi...
Ta shin goaill toshiaght lesh meer ass Pargys Caillit, recortit ec Juan y Geill, as va ry chlashtyn ayns 'Traa dy Liooar' fastyr Jelune er Radio Vannin AM1368. Er coontey yn reihys mooar cadjin, cha row 'Shiaght Laa' goll fastyr beg Jerdein, myr shoh ta shin lheimmey er oaie gys 'Jamys Jeheiney', fastyr Jeheiney er Radio Vannin AM1368, as ta tooilley questionyn symoil goll er cur orrin liorish Jamys Kinry. Son 'Goll as Gaccan', hug Phil Gawne lesh recortys jeh Annie Kissack goaill arrane dy hoilshaghey magh y phoneme / h /, as eisht t'eh goll trooid ny fockleyn jeh roish my vel shin clashty...
Lurg meer elley liorish Juan y Geill ass Pargys Caillit va ry chlashtyn ayns 'Traa dy Liooar', ta shin clashtyn meer ny ghaa ass 'Shiaght Laa' marish Maralyn Crellin. Ayns 'Jamys Jeheiney' ta nuy feyshtyn reesht currit orrin liorish Jamys Kinry. Ta arrane beg dy hoilshaghey magh y phoneme / a / ry chlashtyn ayns 'Goll as Gaccan', as Aalin Clague as Rob Cain cloie as goaill arrane, as Phil Gawne goll trooid ny fockleyn jeh. Ta arraneyn elley er-nyn-son ayns 'Claare ny Gael', lesh daa arrane tradishoonagh as fockle ny ghaa mychione sorchyn dy hiyn.
After another extract by Jack Gell from the...
Ass 'Traa dy Liooar' fastyr beg Jelune, ta meer elley ain ass Pargys Caillit, 'sy recortys jeant ec Juan y Geill. Fastyr beg Jerdein, she Fiona McArdle ta chebbal 'Shiaght Laa', agh ta shin clashtyn coraa Brian Mac Stoyll neesht. Tooilley feyshtyn er-nyn-son ayns 'Jamys Jeheiney' fastyr Jeheiney, lesh Jamys Kinry cur questionyn mychione Miallyn ard-ghooagh, Germanee ard-ghooagh, as mychione arrane ennoil. Lurg lessoon liorish Phil Gawne ta cur-lesh shin gys y gharey reesht, ta shin clashtyn arrane dy ynsaghey paitchyn Mooinjer Veggey y phoneme / j /, as eisht ta Phil cur kiare enmyn dooin, ...
As veg ain jeh Pargys Caillit er yn oyr nagh row 'Traa dy Liooar' goll, ta shin clashtyn hoshiaght meeryn ass 'Shiaght Laa', roish my vees doolane currit foin lesh feyshtyn liorish Jamys Kinry ass 'Jamys Jeheiney'. Ta lessoon giare er-nyn-son liorish Phil Gawne ass 'Goll as Gaccan', as eisht ta shin clashtyn toshiaght nah chabdil y skeeal ard-ghooagh, Y Gheay ayns ny Shellee, as chyndaays 'sy Ghaelg jeh'n Vaarle scruit hoshiaght ec Kenneth Graham.
With nothing of the Manx paraphrase of Paradise Lost because 'Traa dy Liooar' wasn't on, we hear first pieces from 'Shiaght Laa', before a chall...
Ass 'Traa dy Liooar' ta shin clashtyn meer elley jeh Pargys Caillit, lesh obbyr yn Arrymagh Thomas y Christeen goll er lhaih magh liorish Juan y Geill.
She Maralyn Crellin ta chebbal 'Shiaght Laa' y cheayrt shoh.
Ayns 'Goll as Gaccan' ta Phil Gawne lhaih magh ass screeuyn naight mychione taghyrtyn ny Gaelgey, as eisht t'eh jeeaghyn er daa ronney jeh hymn.
Ta shin cheet gys jerrey yn chied chabdil jeh Y Gheay ayns ny Shellee ayns 'Claare ny Gael'.
From 'Traa dy Liooar' we hear another extract from the Manx paraphrase of Paradise Lost, with Rev Thomas Christian's work being read by Jack G...
Lurg meer elley ass Pargys Caillit 'sy recortys liorish Juan y Geill va ry chlashtyn ayns 'Traa dy Liooar' ta shin goll er oaie gys towse dooble jeh 'Shiaght Laa' - va'n chied chlaare 'sy straih noa jarroodit y cheayrt s'jerree, myr shoh ta shin clashtyn shen, roish my vees Fiona McArdle chebbal meeryn as y chlaare shoh chaie.
Va questionyn ain ayns 'Jamys Jeheiney' reesht, agh ta foast three jeu ry heet, myr ta shin clashtyn Jamys Kinry soilshaghey magh.
Ayns 'Goll as Gaccan' ta Phil Gawne jeeaghyn er yn chied ronney jeh hymn Isaac Watts ayns chyndaays 'sy Ghaelg liorish yn Arrymagh J T ...
Ass 'Traa dy Liooar' ta shin clashtyn meer elley jeh Pargys Caillit 'sy recortys jeant ec Juan y Geill 'sy vlein 1980.
Cha row 'Jamys Jeheiney' ry chlashtyn y cheayrt shoh, myr shoh ta shin goll dy jeeragh gys 'Goll as Gaccan', as aynjee va Phil Gawne loayrt mychione gobbraghey 'sy gharey as goaill paart dy yough neesht - agh cre'n sorch?
Ayns 'Claare ny Gael' y cheayrt shoh chaie, cheayll shin mychione y Chyaghan faagail thie arragh dy row, as t'eh er jeet gys awin. Y cheayrt shoh ta shin clashtyn mychione yn aght ta'n Kyaghan as y Roddan Ushtey cheet dy ve nyn gaarjyn 'sy chyndaays shoh...
My vees oo geiyrt er ny fockleyn jeh Pargys Caillit ayns Lioar XX y Heshaght Vanninagh, yn cheayrt shoh ayns 'Traa dy Liooar' ta shin clashtyn Juan y Geill lhaih magh veih'n hoghtoo linney er duillag 11 gys yn chied linney er duillag 12.
Ta three boutyn dy whestionyn as three questionyn y pheesh ayndaue, ayns 'Jamys Jeheiney', as Jamys Kinry cur orrin feyshtyn mychione Lioaryn Roald Dahl, mychione Mraane ayns Sheanse, as mychione ny Gammanyn Olympagh.
Ta lessoon 'sy Ghaelg ain ayns 'Goll as Gaccan', as ta shin goll marish Phil Gawne stiagh 'sy gharey.
Ta shin jeeaghyn er chyndaays 'sy Gh...
Ta shin clashtyn Juan y Geill choud's t'eh lhaih magh meer elley ass Pargys Caillit er-nyn-son ayns 'Traa dy Liooar'.
Va'n lioar Skeealaght clouit ec yn Cheshaght Ghailckagh 'sy vlein 1976, as va kuse dy skeealyn scruit er-e-son liorish Colin y Jerry. Ta Phil Gawne lhaih magh fer jeu, Corkish, ayns 'Goll as Gaccan'.
Ren Sean O Bradaigh chyndaays jeh skeeal ass Mannin scruit 'sy Vaarle ec Dora Broome, The Merman's Coat. Ayns 'Claare ny Gael' ta shin clashtyn vershoon jeh shen 'sy Ghaelg, Cooat yn Dooinney Marrey, cur geill da'n vershoon 'sy Yernish chammah's da'n skeeal 'sy Vaarle.
We hea...
Va meer ass Pargys Caillit ry chlashtyn ayns 'Traa dy Liooar' y cheayrt shoh, myr shoh ta caa dooin clashtyn Juan y Geill lhaih magh shen er-nyn-son.
Ayns 'Goll as Gaccan' ta drane ry chlashtyn, jeusyn ta goll er screeu dy ynsaghey paitchyn sheeanyn ny Gaelgey.
Ta shin foast jeeaghyn er cooinaghtyn Neddy Beg Hom Ruy ayns 'Claare ny Gael', as y cheayrt shoh t'eh cheet er yn aght va ny eeasteyryn gymmyrkey tra v'ad cheet gys jerrey yn imbagh as va'n eeastagh skeddan cheet gy kione.
There was an extract from the Manx paraphrase of Paradise Lost in 'Traa dy Liooar', so we have the opportuni...
Ta ny nuy questionyn er-nyn-son ayns 'Jamys Jeheiney' mychione : Cayrnyn; Armyn (yn Heraldys); as mychione Eeym (ny stoo vees jeant dy ve myr eeym). Myr shoh, reayn lhean dy chooishyn t'er nyn reih ec Jamys Kinry.
Ta caa dooin goaill soylley jeh show va jeant mleeaney ec paitchyn y Vunscoill Ghaelgagh - Skeeal mychione y Chliwe Macabuin. Ta Phil Gawne lhaih magh toshiaght y skeeal ayns 'Goll as Gaccan', as eisht ta shin clashtyn ny paitchyn hene.
Ayns 'Claare ny Gael' ta shin mooie er y cheayn reesht marish Neddy Beg Hom Ruy choud's t'eh ginsh dooin mychione ny cliaghtaghyn cochianglt ris...
Ayns 'Jamys Jeheiney', ta Jamys Kinry cur nuy feyshtyn orrin, bentyn rish three cooishyn t'eh er reih y cheayrt shoh : yn Chapaan; Fynnoddereeyn; as Lughee.
Ta shin clashtyn drane elley jeant ec Phil Gawne as Annie Kissack dy ynsaghey y phoneme /r/ 'sy Ghaelg da paitchyn. Chammah's shen ayns 'Goll as Gaccan', ta Phil Gawne loayrt mychione shappal.
Ta shin clashtyn dy row Neddy Beg Hom Ruy screeu sheese e chooinaghtyn as skeealyn cheayll eh woish sleih elley choud's v'eh er boayrd baatey eeastee va ny lhie ayns Crookhaven, as dy vel ooilley ny reddyn shoh jannoo seose screeuyn. Ta ny meer...
Ta shin clashtyn meer elley ass Pargys Caillit ayns 'Traa dy Liooar', as Juan y Geill lhaih magh obbyr yn Arrymagh Thomas y Christeen er-nyn-son.
Ayns 'Jamys Jeheiney' ta jeih questionyn goll er cur orrin liorish Jamys Kinry, agh cha nel agh nuy ansooryn ry gheddyn - shegin dooin fuirraghtyn derrey y nah cheayrt dy gheddyn magh y jeihoo ansoor. Reesht, questionyn er caghlaaghyn cooish as caa dy gheddyn magh tooilley fys my-nyn-gione neesht.
Er yn oyr dy row 'Goll as Gaccan' goll er scaalheaney yn laa roish sharmaneys bleinoil y Reiltys ayns Balley Keeill Eoin, ta Phil Gawne ginsh dooin ra...